უკრაინელებმა კრასნოდარის მხარეში ნავთობგადამამუშავებელი ქარხანა გაანადგურეს

უკრაინის სპეციალური ოპერაციების ძალებმა (SOF) და რუსულმა წინააღმდეგობის მოძრაობამ „შავი ნაპერწკალმა“ რუსეთში, კრასნოდარის მხარეში ნავთობის გადამმუშავებელი მნიშვნელოვანი ბლოკი გაანადგურეს.

აღნიშნული ოპერაცია 7 სექტემბრის დილას განხორციელდა.

არსებული ცნობებით, განადგურდა ნავთობის გადამამუშავებელი დანადგარი AT-6, რომელიც მთელი ქარხნის ფუნქციონირებისთვის იყო აუცილებელი.

ცნობისთვის, ეს ობიექტი წელიწადში ექვს მილიონ ტონამდე ნავთობის გადამუშავებას ახერხებდა. ის უზრუნველყოფდა ნავთობისგან ბენზინის, დიზელისა და სხვა ნავთობპროდუქტების წარმოებას.