უკრაინამ ღამით რუსეთის საწვავისა და სამხედრო ობიექტებზე მასირებული იერიში მიიტანა

უკრაინულმა ძალებმა რუსეთის საწვავისა და სამხედრო ინფრასტრუქტურაზე კოორდინირებული ღამის იერიში მიიტანეს. უკრაინის შეიარაღებული ძალების გენერალური შტაბის ინფორმაციით, 7 სექტემბერს, კვირას, დარტყმების სამიზნე გახდა რუსეთის ლოგისტიკური ობიექტები, რომლებიც მოსკოვის ჯარების მომარაგებისთვის გამოიყენება.

არტილერიის, რაკეტებისა და დრონების დანაყოფებმა თავდაცვის ძალების სხვა სტრუქტურებთან ერთად იერიში მიიტანეს კრასნოდარის მხარეში მდებარე ილსკის ნავთობგადამამუშავებელ ქარხანაზე.

დრონის ნამსხვრევები ქარხნის ერთ-ერთ დანადგარს მოხვდა, რის შედეგადაც გაჩნდა ხანძარი, რომელიც ოპერატიულად ჩააქრეს. პერსონალი თავშესაფრებში გადაიყვანეს.

ილსკის ნავთობგადამამუშავებელი ქარხანა რუსეთის სამხრეთ ფედერალურ ოლქში ერთ-ერთ უდიდეს საწარმოდ ითვლება და ნავთობპროდუქტებს სარკინიგზო და საავტომობილო გზებით აწვდის.