შემოსავლების სამსახურის თანამშომლის თქმით, აქციებში მონაწილების გამო გაათავისუფლეს

შემოსავლების სამსახურის საბაჟო დეპარტამენტის საბაჟო რისკების მართვის სამმართველოს მთავარი ანალიტიკოსი ნატო ბოლქვაძე წერს, რომ პროევროპულ აქციებში მონაწილეობისა და აქციაზე დგომისთვის გამოწერილი ჯარიმის გამო - სამსახურიდან გაათავისუფლეს.

შემოსავლების სამსახურის შესაბამის ბრძანებას ის Facebook-ზე აქვეყნებს. ბრძანების თანახმად, ის სამსახურიდან "შინაგანაწესით დაკისრებული ვალდებულების უხეში დარღვევის გამო" მოხსნეს.

"შემოსავლების სამსახურმა, 2 მაისიდან შეიტანა ცვლილება შინაგანაწესში, რომლითაც შემოსავლების სამსახურის სამსახურებრივი მონიტორინგის დეპარტამენტს მიეცა უფლება აწარმოოს თანამშრომელთა დისციპლინური დევნა საერთოდ ყველაფერზე", - წერს ის Facebook-ზე.