ხვალ დონალდ ტრამპი და ვოლოდიმირ ზელენსკი ერთმანეთს შეხვდებიან

უკრაინის პრეზიდენტი ვოლოდიმირ ზელენსკი 23 სექტემბერს აშშ-ის პრეზიდენტ დონალდ ტრამპს შეხვდება.

აღნიშნული შეხვედრა გაეროს გენერალურ ასამბლეაზე ვიზიტის ფარგლებში გაიმართება.

ზელენსკი ნიუ-იორკში დაგეგმილ ღონისძიებაზე უკრაინის დელეგაციას უხელმძღვანელებს.

„გაიმართება დიდი რაოდენობით ორმხრივი შეხვედრები: ბიზნესის, ტექნოლოგიების, თავდაცვის, წიაღისეულის შესახებ შეთანხმებასთან დაკავშირებით. ეს ყველაფერი გაერთიანდება დიდ ეკონომიკურ შეხვედრაში. ასევე შედგება შეხვედრა ამერიკის შეერთებული შტატების პრეზიდენტთან,“ - განაცხადა ზელენსკიმ.

მოსალოდნელია, გაიმართოს შეხვედრა უკრაინისა და შეერთებული შტატების პირველ ლედებს შორის, რომელიც ბავშვებთან დაკავშირებულ ჰუმანიტარულ საკითხს შეეხება.