კოპენჰაგენის აეროპორტთან დრონები შენიშნეს - შეჩერებულია ყველა ფრენა

დანიაში, კოპენჰაგენის აეროპორტის მიმდებარე ტერიტორიაზე უპილოტო საფრენი აპარატები შენიშნეს, რის გამოც დროებით შეჩერებულია ყველა ფრენა.

ოფიციალური პირების ცნობით, აეროპორტის ტერიტორიაზე ორი ან სამი დიდი ზომის დრონი დაფრინავდა.

„[აეროპორტი] ამჟამად დახურულია ასაფრენად და დასაფრენად, რადგან ტერიტორიაზე 2-3 დიდი ზომის დრონი შენიშნეს. ამჟამად უცნობია, რამდენ ხანს გაგრძელდება აღნიშნული შეზღუდვა,“ - ნათქვამია პოლიციის განცხადებაში.

საინფორმაციო სააგენტო Reuters-თან საუბრისას, კოპენჰაგენის აეროპორტის სპიკერმა დაადასტურა, რომ აეროპორტის საჰაერო სივრცე დაუდგენელი დრონების გამო დაიკეტა.

„პოლიცია იძიებს ამ საკითხს და ამ დროისთვის, გახსნის ვადებთან დაკავშირებით ინფორმაცია არ გვაქვს,“ - განაცხადა სპიკერმა.