სასამართლომ ბადრი ჯაფარიძეს რვა თვით პატიმრობა შეუფარდა
„ქართული ოცნების“ მიერ შექმნილ საგამოძიებო კომისიაზე გამოუცხადებლობის გამო, სასამართლომ ოპოზიციის სამი ლიდერი პატიმრობით დაასაჯა.
მოსამართლე ზვიად შარაძემ დღეს, 23 ივნისს, „ლელოს“ ლიდერებს ბადრი ჯაფარიძესა და მამუკა ხაზარაძეს 8-თვიანი პატიმრობა შეუფარდა. ბადრი ჯაფარიძეს დამატებით 2 წლის განმავლობაში ეკრძალება საჯარო თანამდებობის დაკავება.
აღსანიშნავია, რომ ბადრი ჯაფარიძეს იმავე საქმეზე 5 აპრილს აღკვეთის ღონისძიების სახით 50 000-ლარიანი გირაო შეეფარდა, რომელიც მან გადაიხადა.
დღესვე, მოსამართლე ჯვებე ნაჭყებიამ კოალიცია „ცვლილებისთვის“ ერთ-ერთ ლიდერს, ზურაბ ჯაფარიძეს 7-თვიანი პატიმრობა მიუსაჯა.
სასამართლოს გადაწყვეტილებებს ოპოზიცია პოლიტიკურ ანგარიშსწორებად აფასებს.
