სალივანი: უკრაინა წარმატებას მიაღწევს და სტრატეგიულად მნიშვნელოვან ტერიტორიებს დაიბრუნებს

ამერიკის შეერთებული შტატების პრეზიდენტის მრჩეველი ეროვნული უსაფრთხოების საკითხებში ჯეიკ სალივანი უკრაინის სამომავლო კონტრშეტევის პერსპექტივას დადებითად აფასებს. შესაბამისი განცხადება სალივანმა CNN-თან ინტერვიუში გააკეთა.

სალივანი მიიჩნევს, რომ უკრაინის შეიარაღებული ძალების სამხედრო ქმედებები ოფიციალურ კიევს "სტრატეგიულად მნიშვნელოვან ტერიტორიებს" დაუბრუნებს.

"ზუსტად რამდენს და რა ადგილებში - ეს იქნება დამოკიდებული მოვლენების განვითარებაზე, როცა უკრაინელები კონტრშეტევას დაიწყებენ. თუმცა, ჩვენ გვჯერა, რომ უკრაინელები ამ კონტრშეტევაში წარმატებას მიაღწევენ", - თქვა ჯო ბაიდენის მრჩეველმა.

კითხვას - დააჩქარებს თუ არა კონტრშეტევა სამშვიდობო პროცესს, სალივანმა უპასუხა, რომ ბრძოლის ველზე მოვლენების განვითარება "საგრძნობ გავლენას" იქონიებს ნებისმიერ მოლაპარაკებებზე უკრაინასა და რუსეთს შორის.