რუსული კანონის საწინააღმდეგო აქციის დარბევისას შსს-მ 63 ადამიანი დააკავა

რუსული კანონის საწინააღმდეგოდ გამართულ აქციაზე პოლიციამ 63 ადამიანი დააკავა.

ბრიფინგზე შინაგან საქმეთა მინისტრის მოადგილე ალექსანდრე დარახველიძემ განაცხადა, რომ პოლიციამ აქციის მონაწილეები "წვრილმანი ხულიგნობისა და პოლიციის კანონიერი მოთხოვნისადმი დაუმორჩილებლობის ფაქტებზე" დააკავეს.

"შინაგან საქმეთა სამინისტროს თანამშრომლებმა, რუსთაველის გამზირზე მიმდინარე აქციაზე წვრილმანი ხულიგნობისა და პოლიციის კანონიერი მოთხოვნისადმი დაუმორჩილებლობის ფაქტებზე, ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად 63 პირი დააკავეს", - განაცხადა დარახველიძემ