რუსებმა ხერსონი დაბომბეს - დაშავებულია 6 ადამიანი

ხერსონის რეგიონული სამხედრო ადმინისტრაციის ცნობით, გუშინ ღამით რუსებმა ხერსონის ოლქი დაბომბეს, რის შედეგადაც 6 მშვიდობიანი მოქალაქე დაშავდა.

ბოლო 24 საათის განმავლობაში მტერმა 103 შეტევა განახორციელა ნაღმტყორცნებიდან, არტილერიიდან, MLRS საზენიტო-სარაკეტო სისტემებიდან, უპილოტო საფრენი აპარატებიდან და თვითმფრინავებიდან. მტერმა ხერსონს 28 ჭურვი ესროლა.

რუსი სამხედროების სამიზნეს რეგიონის დასახლებული პუნქტები, საცხოვრებელი კორპუსები და პორტის ინფრასტრუქტურა წარმოადგენდა.

რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.