ორბანი "ბრიუსელის საომარი გეგმის წინააღმდეგ" ხელმოწერების შეგროვებას იწყებს

უნგრეთის პრორუსი პრემიერმინისტრი, ვიქტორ ორბანი ირწმუნება, რომ რამდენიმე კვირის წინ ევროკავშირმა "ომის გეგმა წარადგინა" და ამის საწინააღმდეგოდ იგი ბუდაპეშტში ხელმოწერების შეგროვებას იწყებს.

"რამდენიმე კვირის წინ კოპენჰაგენში, ბრიუსელის ომის გეგმა წარმოადგინეს: ევროპა იხდის, უკრაინელები იბრძვიან და რუსეთი საბოლოოდ გამოიფიტება. ჩვენ არ გვითხრეს, რა დაჯდება ეს ან რამდენ ხანს გაგრძელდება“, - დაწერა ორბანმა Facebook-ზე.

ორბანმა აღნიშნა, პეტიციის კამპანია შეეცდება, რომ ქვეყნის „ყველა ქალაქსა და სოფელს“ მიწვდეს.

„დანიაში გარკვევით განვაცხადე: ჩვენ ამაში მონაწილეობა არ გვინდა“, - ამტკიცებს ორბანი.

ცნობისთვის უნგრეთის პრემიერმინისტრი კრემლთან მჭიდრო კავშირებს ინარჩუნებს, მან არაერთხელ დაბლოკა ან შეაფერხა უკრაინისთვის სამხედრო დახმარება და ასევე ევროკავშირში გაწევიანების პროცესი.