ოლიგარქის საარჩევნო გეგმა - რას ფიქრობენ საპატრიარქოში?

რატომ არ ეთანხმება საპატრიარქო მართლმადიდებლობის სახელმწიფო რელიგიად გამოცხადების იდეას? - ფორმულას რამდენიმე წყარომ დაუდასტურა, რომ ქართულ ოცნებას ახალი და მძიმე თავსატეხი გაუჩნდა. ივანიშვილის გეგმა, საარჩევნო დაპირების მეოთხე პუნქტით მოეხდინა ამომრჩევლის რელიგიურ გრძნობებზე გავლენა, როგორც ჩანს, მაღალმა სასულიერო იერარქიამ ჩაფარცხა. ირკვევა, რომ მეოთხე პუნქტი ამიტომაც არის გასაიდუმლოებული, რომ საკითხი გადაუწყვეტელია და ოლიგარქის გუნდი პატრიარქის გარემოცვაზე ზეწოლას განაგრძობს. რას აპირებს ხელისუფლება მას შემდეგ, რაც ფორმულამ ფარული პროექტი სააშკარაოზე გამოიტანა.