ლატვია რუსეთის მოქალაქეებისთვის ქვეყანაში შესვლის აკრძალვის გახანგრძლივებას აპირებს

ლატვიის ხელისუფლება რუსეთის მოქალაქეებისთვის ქვეყანაში შესვლის აკრძალვის გახანგრძლივებას გეგმავს. შესაბამის განკარგულებას ქვეყნის საგარეო საქმეთა სამინისტრო ამზადებს.

განკარგულების თანახმად, აკრძალვა 2024 წლის 4 მარტამდე გახანგრძლივდება, რადგან "უკრაინის წინააღმდეგ რუსეთის აგრესია ამ დრომდე გრძელდება".

განკარგულება 1 ივლისს ამოქმედდება.

ლატვიამ რუსეთის მოქალაქეებზე ვიზების გაცემა გასული წლის 5 აგვისტოს შეწყვიტა.