კანდელაკს და კიდევ 6 პირს პატიმრობა შეუფარდეს

ბრენდირებული ალკოჰოლის არალეგალური წარმოების ბრალდებით დაკავებულ გიორგი კანდელაკსა და კიდევ 6 პირს აღკვეთო ღონისძიების სახით პატიმრობა შეუფარდეს.

გადაწყვეტილება მოსამართლე თეონა ეპიტაშვილმა მიიღო.

ისინი 17 სექტემბერს დააკავეს.

დაკავებულებს შორის არიან გორელი ბიზნესმენი და მოკრივე გიორგი კანდელაკი და გორის საკრებულოს წევრი ბორია გოგიჩაიშვილი.

ასევე დაკავებულია ბიზნესმენ გიორგი ჯალაბაძის ძმა, ქართლოს ჯალაბაძეც.

ფინანსთა სამინისტროს საგამოძიებო სამსახურის ცნობით, ამოღებულია უპრეცედენტო რაოდენობის, 75 137 ბოთლი ალკოჰოლური სასმელი და 318 000 კოლოფი უაქციზო სიგარეტი.

ფინანსთა სამინისტროს საგამოძიებო სამსახურის განცხადებით, ამოღებული უაქციზო სასმელების და სიგარეტების სარეალიზაციო ღირებულებამ, შესაძლოა, მილიონობით ლარი შეადგინოს.

გამოძიება სსკ-ს 196-ე მუხლის მე-3 ნაწილით და მე-200 მუხლის მე-4 ნაწილით მიმდინარეობს, რაც სასჯელის ზომად თავისუფლების 7-დან 10 წლამდე ვადით აღკვეთას ითვალისწინებს.