კალაძე: ბევრ რამეზე გვაქვს ინფორმაცია, დაველოდოთ, დანაშაულები არ დარჩება რეაგირების გარეშე

პირველი შემთხვევა არ არის, როცა ის აკეთებდა მოწოდებებს სახელმწიფო დამხობასთან დაკავშირებით, ცხადია, ეს მიზანმიმართული ქმედებები იყო, საზოგადოებისთვის რომ მიეჩვიათ აღნიშნულ თემაზე საუბარი. დამხობა, გადატრიალება, ვიღაცის დაწვა, ეს ყველაფერი კანონით ისჯება. თუ ვინმეს, ჰგონია, რომ ამ ტიპის ფაქტებს რეაგირება არ მოჰყვება, ძალიან ცდებიან.

ბევრ რამეზე გვაქვს ინფორმაცია, გვაქვს კონკრეტული ფაქტები. დაველოდოთ, არცერთი ამ ტიპის დანაშაული არ დარჩება რეაგირების გარეშე. ეს ყველამ უნდა გაიგოს, როგორც ქვეყნის შიგნით, აგენტურამ, ისე ქვეყნის გარეთ, რომლებიც არ ისვენებენ და ცდილობენ საქართველოს წინააღმდეგ კონკრეტული ნაბიჯები გადადგან.