გმირთა მოედანზე ერთი მოქალაქე დააკავეს

გმირთა მოედანზე პოლიციამ ერთი მოქალაქე დააკავა.

დღეს დემონსტრანტები გმირთა მოედანზე გზის გადაკეტვას ცდილობდნენ, თუმცა პოლიციამ მათ ამის საშუალება არ მისცა.

აქციის მონაწილეებმა მოგვიანებით გზა ისევ გადაკეტეს.

თბილისში ბოლო 2 კვირაა რუსული კანონის წინააღმდეგ უწყვეტი, მასშტაბური აქციები იმართება. ხელისუფლება მშვიდობიანი მომიტინგეების წინააღმდეგ წყლის ჭავლსა და ცრემლმდენ გაზს იყენებს.

გუშინ პარლამენტთან გამართულ აქციაზე 11 ადამიანი დაშავდა, საიდანაც 8 ადამიანი კლინიკაში გადაიყვანეს.

პირველი მაისის ღამის შემდეგ დაკავებულია 65-მდე ადამიანი.

ქართულმა ოცნებამ რუსულ კანონს გუშინ პლენარულ სხდომაზე მეორე მოსმენით დაუჭირა მხარი.