![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
ეუთო/ოდირი რუსული კანონის მიღებასთან დაკავშირებით განცხადებას ავრცელებს, რომელშიც აღნიშნავს, რომ კანონს მნიშვნელოვანი ხარვეზები აქვს. შესაბამისად, შეუთავსებელია ადამიანის უფლებათა საერთაშორისო სტანდარტებთან და "უნდა გაუქმდეს."
კერძოდ, განცხადების მიხედვით, კანონი, რომელიც სამოქალაქო საზოგადოებებსა და მედიასაშუალებებს "უცხო ძალის ინტერესების გამტარებლებად მოიხსენიებს, "არ შეესაბამება ადამიანის უფლებათა საერთაშორისო კანონმდებლობაში დადგენილ მკაცრ მოთხოვნებს."
განცხადებაში მკაფიოდაა ხაზგასმული, რომ რუსული კანონი, მიზნებითა და ფარგლებით "ფუნდამენტურად განსხვავებულია ამერიკული "უცხოელი აგენტების რეგისტრაციის აქტისა (FARA)" და ავსტრალიის "საგარეო გავლენის გამჭვირვალობის სქემის აქტისაგან."
"ODIHR-ის ანალიზი ასევე ხაზს უსვამს ძირითად განსხვავებებს ახლად მიღებულ კანონსა და სხვა ქვეყნების კანონმდებლობას შორის, რომლებსაც იხსენიებდნენ საქართველოში ახალ კანონთან მიმართებაში. მაგალითად, შეერთებული შტატების უცხოელი აგენტების რეგისტრაციის აქტი (FARA) ან ავსტრალიის საგარეო გავლენის გამჭვირვალობის სქემის აქტი ფუნდამენტურად განსხვავებულია მათი ძალიან განსხვავებული მიზნებითა და ფარგლებით. მიუხედავად იმისა, რომ ეს კანონები მიზნად ისახავს უზრუნველყოს, რომ კერძო კომპანიები ან არაკომერციული ორგანიზაციები, რომლებიც უშუალოდ მონაწილეობენ ადვოკატირებაში ან ლობირებაში უცხოური ხელისუფლების სახელით, საჯაროდ დარეგისტრირდნენ, ის არ აწებებს ყველა სამოქალაქო საზოგადოებას ან მედიას უცხოური წარმომადგენლის იარლიყს, მხოლოდ იმიტომ, რომ ისინი დაფინანსებას საზღვარგარეთიდან იღებენ", - წერია განცხადებაში.
ეუთო/ოდირი საქართველოს ხელისუფლებას მოუწოდებს გააუქმოს კანონები და ასევე გადადგას შესაბამისი ნაბიჯები იმისთვის, რომ ქვეყნის კანონმდებლობა საერთაშორისო სტანდარტებთან შესაბამისობაში მოვიდეს. ამასთანავე განხილულია ალტერნატივები როგორიცაა: ლობისტური საქმიანობის რეგულირება, პოლიტიკური პარტიებისა და საარჩევნო კამპანიის დაფინანსების მკაცრი წესები და ანტიკორუფციული ან ანტიტერორისტული კანონები, რომლებიც, განცხადების მიხედვით ხელს შეუწყობს გადაწყვეტილების მიღების უფრო ღია და გამჭვირვალე პროცესის ჩამოყალიბებას.
განცხადებაში ასევე აღნიშნულია, რომ მიუხედავად იმისა, რომ ვალდებულებების გარკვეული ნაწილ, შესაძლოა, მართლაც დაეკისროთ სამოქალაქო საზოგადოების ორგანიზაციებს, რეგულაციები მთლიანად სექტორზე მიმართული არ უნდა იყოს, შესაბამისად, არ უნდა მოიაზრებოდეს, რომ ყველა ორგანიზაცია უცხოური ძალის ინტერესების გამტარებელს წარმოადგენს.
ეუთო/ოდირი გამოთქვას მზაობას, რომ საქართველოს ხელისუფლებას რუსულ კანონთან დაკავშირებული ხარვეზებისა და ალტერნატივების ძიებაში.
"ODIHR კვლავ მზადაა გაუწიოს შემდგომი დახმარება და დაეხმაროს ხელისუფლებას საკანონმდებლო ან სხვა ალტერნატივების იდენტიფიცირებაში, რათა გადაჭრას ნამდვილი, კონკრეტული შეშფოთებები ადამიანის უფლებათა საერთაშორისო კანონმდებლობით განსაზღვრული მიზნების შესაბამისად", - აღნიშნულია ეუთო/ოდირის განცხადებაში.