დახმარება უკრაინისთვის - რას აკეთებს საქართველო?

საქართველოს ხელისუფლებას, სხვა პარტნიორი ქვეყნებისგან განსხვავებით, ამ დრომდე არაფერი უთქვამს, დაეხმარება თუ არა უკრაინას კახოვკის ჰესის აფეთქების შემდეგ. უკვე განსაზღვრულია, რა ტიპის მხარდაჭერა სჭირდება უკრაინას კატასტროფის შედეგებიდან გამომდინარე. ქართული ოცნება არა მხოლოდ დახმარების საკითხზე დუმს, არამედ ორაზროვან შეფასებებს აკეთებს თავად ტერორისტულ აქტთან დაკავშირებით, მედიის შეკითხვებს კი აგრესიით სცემს პასუხს.