"აშშ მხარს უჭერს ძვირფას პარტნიორს" - რუბიო სომხეთს დამოუკიდებლობის დღეს ულოცავს

აშშ-ის სახელმწიფო მდივანი მარკო რუბიო სომხეთს დამოუკიდებლობის დღეს ულოცავს.

რუბიო აღნიშნავს, რომ სომხეთი აშშ-სთვის ძვირფასი პარტნიორი და მას აშშ-ს მხარდაჭერა აქვს.

"ამერიკის შეერთებული შტატები მხარს უჭერს სომხეთს, ჩვენს ძვირფას პარტნიორს, სამხრეთ კავკასიაში მშვიდობის, კეთილდღეობისა და სტაბილურობის საერთო მიზნების მიღწევაში. ჩვენი მტკიცე ურთიერთობა ემყარება ძლიერ კულტურულ კავშირებს, საერთო პრინციპებს და რეგიონული უსაფრთხოებისა და ეკონომიკური შესაძლებლობების მიმართ ორმხრივ სურვილს.

პრეზიდენტ ტრამპის ისტორიული სამიტი სომხეთსა და აზერბაიჯანს შორის და აშშ-ს მიერ სომხეთისთვის 145 მილიონი დოლარის დახმარების გამოცხადება საერთაშორისო მშვიდობისა და კეთილდღეობის ტრამპის გზის (TRIPP) განსახორციელებლად, ხაზს უსვამს ჩვენი ერის მუდმივ ერთგულებას სომხეთის მიმართ და ამავდროულად ხაზს უსვამს ჩვენს ერთობლივ ძალისხმევას რეგიონული კავშირის, ეკონომიკური ინვესტიციებისა და უსაფრთხოების სფეროში თანამშრომლობის ხელშეწყობის მიმართულებით.

ჩვენ სიხარულით ვუჭერთ მხარს სომხეთის გზას ენერგეტიკული უსაფრთხოების გაზრდის, ვაჭრობის გაფართოებისა და სასაზღვრო უსაფრთხოების გაძლიერებისკენ, ამავდროულად ვადასტურებთ ჩვენს ერთგულებას სომხეთის სუვერენიტეტისა და ტერიტორიული მთლიანობის მიმართ. სტრატეგიული პარტნიორობა და პრეზიდენტ ტრამპისა და პრემიერ-მინისტრ ფაშინიანის მიერ ხელმოწერილი ორმხრივი ურთიერთგაგების მემორანდუმები წარმოადგენს ჩვენი ძალისხმევის ქვაკუთხედს ამ საერთო მიზნების წინსვლისკენ", - წერს რუბიო

მისი თქმით, "რადგან სომხეთი აგრძელებს თავისი მომავლის, როგორც მშვიდობისა და ზრდის გზაჯვარედინის შექმნას, შეერთებული შტატები კიდევ ერთხელ ადასტურებს თავის ერთგულებას უფრო დაკავშირებული, სტაბილური და აყვავებული რეგიონის მიმართ".