ბაკურიანში, ზვავში მოყოლილი კაცის სამძებრო სამუშაოები კვლავ შეწყდა

ბაკურიანში, ზვავში მოყოლილი კაცის სამძებრო სამუშაოები ნისლისა და ზვავსაშიშროების გამო კვლავ შეწყდა.

ციხისჯვრის მიმდებარე მთებში, მთელი დღის განმავლობაში მაშველები და ათობით ადგილობრივი 48 წლის კაცს ნიჩბებით და სამთო-სამაშველო აღჭურვილობით ეძებდა.

სამუშაოებს ართულებს მიუვალი ადგილი და თოვლის დიდი მასა, რის გამოც ტერიტორიაზე ტექნიკა ვერ მუშაობს. ძებნა-შველის ოპერაციაში დღეს კინოლოგებიც ჩაერთნენ.

ზვავი ბაკურიანში გუშინ დილით ჩამოწვა, როცა მთაში სასრიალოდ 5 ადამიანი იმყოფებოდა, რომელთაგან ერთის - 48 წლის კაცის სამძებრო სამუშაოები ამ დრომდე მიმდინარეობდა.

გუშინ დილით, ბაკურიანში ჩამოწოლილმა ზვავმა 48 წლის კაცი მოიყოლა.