აშშ-ის ჰელსინკის კომისიის წევრები: ქართველები არ უნდა დარჩნენ ავტორიტარიზმთან მარტო

საქართველოს მასშტაბით საპროტესტო ტალღის მე-150 დღესთან დაკავშირებით, აშშ-ის ჰელსინკის კომისიის წარმომადგენლებმა ქართველი ხალხისადმი მხარდაჭერა გამოხატეს. განცხადებას ხელს აწერენ კომისიის თავმჯდომარე სენატორი როჯერ ვიკერი, თანათავმჯდომარე კონგრესმენი ჯო უილსონი, წამყვანი დემოკრატი წევრები სენატორი შელდონ უაითჰაუსი და კონგრესმენი სტივ კოენი, ასევე კონგრესმენი რიჩარდ ჰადსონი და სენატორი ჯონ კორნინი.

მათი განცხადებით:

„ხვალ საქართველოში მშვიდობიანი დემონსტრაციების მე-150 დღეა — ეს არის გამორჩეული გამოხატულება ქართველთა მტკიცე ერთგულებისა თავისუფლებისა და ქვეყნის დამოუკიდებლობისადმი. ვამაყობთ, რომ ვდგავართ ქართველ ხალხთან ერთად, რომელიც არ თმობს დემოკრატიულ მისწრაფებებს არალეგიტიმური რეჟიმის წინაშე.

„ქართული ოცნება ძალაუფლებას ეჭიდება იმ უფლებებისა და თავისუფლებების უარყოფით, რომლებიც დემოკრატიული საზოგადოებისთვის საფუძველს წარმოადგენს. დამოუკიდებელი მედიის, ოპოზიციური პარტიებისა და მშვიდობიანი მომიტინგეების დევნით, ქართული ოცნება ქვეყანას აშორებს ტრანსატლანტიკურ ოჯახს და რეალურად რუსეთს, ჩინეთსა და ირანს უსვამს გვერდით.

„ერთ დროს საქართველოს დემოკრატიული ენერგია რეგიონში იმედის შუქურად მიიჩნეოდა. თუ ქვეყანა გააგრძელებს ავტორიტარიზმისკენ სვლას, ჩვენ დავკარგავთ პარტნიორს, რომელიც ერთგულია ჩვენი საერთო უსაფრთხოების და ღირებულებებისადმი. ამავდროულად, ქართველებს დავტოვებთ რუსეთის კონტროლქვეშ მყოფი ავტორიტარული მმართველობის ქვეშ, მათი მრავალწლიან თავისუფლებისთვის ბრძოლის შემდეგ. მოვუწოდებთ ჩვენს ტრანსატლანტიკურ პარტნიორებს, დაგვიერთდნენ ახალი, თავისუფალი და სამართლიანი არჩევნების მოთხოვნაში და ყველა პოლიტიკური პატიმრის გათავისუფლებისკენ. მოქმედების უქონლობა არა მხოლოდ მილიონობით ქართველის იმედებს გააცრუებს, არამედ სერიოზულ საფრთხეს შეუქმნის თავისუფალ, უსაფრთხო და კეთილდღეობაზე დაფუძნებულ სამხრეთ კავკასიას.“