IDF ამსტერდამში მათ მოქალაქეებზე "ძალადობრივი ინციდენტის" გამო სამაშველო ჯგუფებს გაგზავნიან

ისრაელის სამხედროების განცხადებით, ისრაელის მოქალაქეების მიმართ "ძალადობრივი ინციდენტის" გამო ისინი ამსტერდამში სასწრაფო სამაშველო მისიის განსათავსებლად ემზადებიან. ინფორმაციის თანახმად, ისრაელის მოქალაქეებზე თავდასხმის ფაქტი იოჰან კრუიფ არენაზე გამართულ ფეხბურთის მატჩს უკავშირდება, რომელშიც ამსტერდამის აიაქსმა თელ-ავივის მაკაბი 5-0 ანგარიშით დაამარცხა.

ისრაელის თავდაცვის ძალების ცნობით, ისინი ამსტერდამში სამაშველო ჯგუფებს გაგზავნიან.

„მისია განლაგდება სატვირთო თვითმფრინავების გამოყენებით და მოიცავს სამედიცინო და სამაშველო ჯგუფებს“, - განაცხადეს ისრაელის თავდაცვის ძალებმა.

ისრაელის პრემიერმინისტრმა ბენიამინ ნეთანიაჰუმ ნიდერლანდებში ორი თვითმფრინავის გაგზავნის ბრძანება გასცა, რათა ამსტერდამიდან ისრაელის მოქალაქეები სასწრაფოდ წამოიყვანონ. მან ნიდერლანდის ხელისუფლებას სამართალდამრღვევების მიმართ "სწრაფი და გადამწყვეტი მოქმედებისკენ" მოუწოდა, რათა ისრაელის მოქალაქეების უსაფრთხოება უზრუნველყონ.

„ფანები, რომლებიც მივიდნენ ფეხბურთის მატჩის სანახავად, შეხვდნენ ანტისემიტიზმს და თავს დაესხნენ წარმოუდგენელი სისასტიკით მხოლოდ მათი ებრაელობისა და ისრაელიანობის გამო", - წერს X-ზე ისრაელის უშიშროების მინისტრი.

ადგილობრივი პოლიციის განცხადებით, თამაშის შემდეგ 57 ადამიანი დააკავეს, რადგან მათივე განმარტებით, პალესტინის მომხრე მოქალაქეები ცდილობდნენ აიაქსის მოედანზე, იოჰან კრუიფის არენაზე მისვლას, მიუხედავად იმისა, რომ ქალაქში საპროტესტო აქციები აკრძალული იყო.