![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
მირაჟის ავიაგამანადგურებლები საფრანგეთისგან და 225 მილიონი დოლარის ღირებულების დახმარების პაკეტი შეერთებული შტატებისგან. ვოლოდიმირ ზელენსკი დღეს პარიზში ჯო ბაიდენს შეხვდა და სიტყვით გამოვიდა საფრანგეთის პარლამენტშიც. ნახევარსაათიან მიმართვაში უკრაინელების ბრძოლა მეორე მსოფლიო ომს შეადარა, განაცხადა, რომ ევროპაში ფაშიზმი ბრუნდება და ის ისეთივე ერთიანობით უნდა დაამარცხონ, როგორც 80 წლის წინ. ამერიკისა და უკრაინის პრეზიდენტები ერთმანეთს საფრანგეთში, ნორმანდიაში მოკავშირეთა ჯარების გადასხმის მე-80 წლისთავის ღონისძიების ფარგლებში შეხვდნენ.