ზელენსკი: კიევში სამძებრო სამუშაოები დასრულდა, რუსეთმა ამ იერიშის გამო პასუხი უნდა აგოს

უკრაინის პრეზიდენტი, ვოლოდიმირ ზელენსკი სოციალურ ქსელში წერს, რომ რუსეთის მიერ განხორციელებული სარაკეტო თავდასხმის შედეგად ნანგრევების ქვეშ მოყოლილთა სამძებრო-სამაშველო სამუშაოები დასრულდა.

მისი თქმით, ოკუპანტების მიერ 27-28 აგვისტოს მიტანილ ამ იერიშს, ჯამში, 23 ადამიანი ემსხვერპლა, ხოლო დაშავდა 53.

ზელესკი წერს, რომ ამ თავდასხმის გამო, რუსეთმა პასუხი უნდა აგოს და მსოფლიოს შესაბამისი რეაგირება უნდა ჰქონდეს.

მან კიდევ ერთხელ ხაზი გაუსვა მკაცრი სანქციებისა და პუტინზე მტკიცე ზეწოლის აუცილებლობას.

"კიევში, დარნიცკის რაიონში, საცხოვრებელ კორპუსზე რუსული დარტყმის ადგილზე სამაშველო სამუშაოები დასრულდა. დანგრეული შენობების ანალიზი გრძელდება. ამ დროისთვის, ამ ერთ დარტყმის ადგილზე 22 ადამიანი დაიღუპა, მათ შორის ოთხი ბავშვი. ყველაზე პატარა გოგონა სამი წლისაც არ იყო. ვუსამძიმრებ გარდაცვლილთა ნათესავებსა და მეგობრებს. საერთო ჯამში, რუსებმა იმ ღამეს კიევში 23 ადამიანი მოკლეს. 8 ადამიანის ბედი უცნობია, კიდევ 53 დაშავდა. ყველა მათგანს საჭირო დახმარება გაეწია. მადლობას ვუხდი მაშველებს, პოლიციელებს, ექიმებსა და ექთნებს, ყველა მუნიციპალურ და სასწრაფო დახმარების სამსახურს, ყველას, ვინც ადამიანების დახმარებაში იყო ჩართული.

რუსეთი პასუხი უნდა აგოს ამ დარტყმაზე, ისევე როგორც თავდასხმაზე ჩვენს სახელმწიფოზე, ჩვენს ხალხზე და მსოფლიოს ყველა ძალისხმევაზე, ამ ომის დასრულებასთან დაკავშირებით. როდესაც რუსეთი დიპლომატიის ნაცვლად რაკეტებს ირჩევს, აგრძელებს თავისი „შაჰიდების“ მოდერნიზაციას ადამიანების მოსაკლავად და ავითარებს ურთიერთობას ისეთ სუბიექტებთან, როგორიცაა ჩრდილოეთ კორეა. ეს ნიშნავს, რომ მსოფლიომ შესაბამისი პასუხი უნდა გასცეს მას. საჭიროა მკაცრი სანქციები, ძლიერი ზეწოლა, საჭიროა ძლიერი ნაბიჯები, რათა მკვლელებმა დაუსჯელად არ იგრძნონ თავი. რუსეთი მხოლოდ ძალა ესმის და სწორედ ძალის დემონსტრირება ახლაა საჭირო. შეერთებულ შტატებს, ევროპას და დიდი ოცეულის ქვეყნებს გააჩნიათ ეს ძალა", - წერს ზელენსკი.