ზელენსკი ამ წუთებში დიდი ბრიტანეთის პრემიერმინისტრ კირ სტარმერს ხვდება

უკრაინის პრეზიდენტი ვოლოდიმირ ზელენსკი ამ წუთებში ხვდება დიდი ბრიტანეთის პრემიერმინისტრ კირ სტარმერს.

შეხვედრის მთავარი თემებია უკრაინის უსაფრთხოების მდგომარეობა და ომის მიმდინარეობა. მოსალოდნელია, რომ ლიდერები განიხილავენ სამხედრო და ჰუმანიტარული დახმარების საკითხებს, ასევე საერთაშორისო პარტნიორების მხარდაჭერის გაძლიერების გზებს.

შეხვედრის დეტალები და შედეგები მოგვიანებით გახდება ცნობილი.

სტარმერმა კიდევ ერთხელ დაადასტურა დიდი ბრიტანეთის მტკიცე მხარდაჭერა უკრაინის მიმართ და აღნიშნა: "ჩვენ უკრაინის გვერდით ვიქნებით იმდენ ხანს, რამდენიც საჭირო იქნება."

პრემიერმა ასევე ხაზი გაუსვა "მტკიცე გადაწყვეტილებას, რათა უზრუნველყოფილი იყოს უკრაინისთვის გრძელვადიანი მშვიდობა."

ზელენსკიმ მადლობა გადაუხადა სტარმერს მხარდაჭერისთვის და ასევე გამოხატა მადლიერება მეფე ჩარლზ III-ის მიმართ, რომელიც მას ხვალ შეხვდება.

"ჩვენ ბედნიერები ვართ, რომ გვყავს ასეთი ძლიერი პარტნიორები და მეგობრები," – განაცხადა ზელენსკიმ.