უნგრეთი ევროკავშირის საბჭოს თავმჯდომარე ქვეყანა გახდა

დღეიდან, მომდევნო ექვსი თვის განმავლობაში, 2024 წლის დეკემბრამდე უნგრეთი ევროკავშირის საბჭოს თავმჯდომარე ქვეყანა იქნება.

უნგრეთის თავმჯდომარეობამ რამდენიმე პრიორიტეტი დაასახელა: ევროკავშირის ეკონომიკის კონკურენტუნარიანობის გაზრდა, თავდაცვის პოლიტიკის გაძლიერება, თანმიმდევრული და დამსახურებაზე დაფუძნებული გაფართოების პოლიტიკა, არალეგალური მიგრაციის შეჩერება და ა.შ.

ევროკავშირის საბჭოს თავმჯდომარეობა 6 თვეში ერთხელ იცვლება. უნგრეთმა ის ბელგიისგან გადაიბარა, დეკემბრიდან კი თავმჯდომარე ქვეყანა პოლონეთი გახდება.