უკრაინელებმა დაარტყეს საწვავის ობიექტს, რომელიც რუსების ჯარს დიზელით ამარაგებს

უკრაინის თავდაცვის ძალების ქვედანაყოფებმა 28-29 აგვისტოს ღამით რუსეთში, ბრიანსკის ოლქის სოფელ ნაიტოპოვიჩის მახლობლად მდებარე საწვავის ინდუსტრიულ ობიექტზე თავდასხმა განახორციელეს.

ინფორმაციას ამის შესახებ უკრაინის შეიარაღებული ძალების გენერალური შტაბი ავრცელებს.

რუსულ სტრატეგიულ ობიექტზე თავდასხმა სარაკეტო ჯარებისა და არტილერიის და უპილოტო სისტემების ძალების საშუალებით განხორციელდა, უკრაინის შეიარაღებული ძალების სპეციალური ოპერაციების ძალებისა და უკრაინის უსაფრთხოების სამსახურის თანამშრომლობით.

ობიექტზე გაჩენილია ხანძარი. ამ დროისთვის, დარტყმის სხვა შედეგები დაზუსტებული არ არის.

ცნობისთვის, სადგური ნავთობსადენებით რუსულ ძალებს დიზელის საწვავთ ამარაგებს. მისი სატუმბი სიმძლავრე წელიწადში დაახლოებით 10.5 მილიონი ტონაა.