![ჩელიაბინსკის ოლქში წყალმა წყალსაცავის კაშხალი გაარღვია - დატბორილია სოფლები](https://fl-cdn.fms-static.com/cdn-cgi/image/fit=cover,width=600,height=338,format=auto/e7b65214-c198-4237-98af-2ddb066af66c.jpg)
გარემოს ეროვნული სააგენტოს ცნობით, 26 მარტიდან 27 მარტის დილამდე საქართველოში მოსალოდნელია წვიმა, დასავლეთ საქართველოში ზოგან ძლიერი, დასავლეთის მიმართულებით ძლიერი ქარი, მაღალმთაში ზოგან ძლიერი თოვა და ქარბუქი.
ამასთან, ზღვაზე მოსალოდნელია 3-4-ბალიანი შტორმული ღელვა.
"მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, დასავლეთ საქართველოს პატარა მდინარეებზე წყალმოვარდნები, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო მაღალმთიან რეგიონებში ზვავების ფორმირება გამოიწვიოს", - ნათქვამია სააგენტოს ინფორმაციაში.
მათივე თქმით, დიდთოვლობის, ქარბუქის, ხილვადობის გაუარესებისა და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია, ტრანსპორტის მოძრაობა შეიზღუდოს.