თბილისში სტუდენტები მსვლელობას ლოზუნგით - "დაიბრუნე ხმა" - მართავენ

თბილისში სხვადასხვა უნივერსიტეტების სტუდენტები მსვლელობას ლოზუნგით - "დაიბრუნე ხმა" მართავენ. ისინი არჩევნების ლეგიტიმურობას არ აღიარებენ და ხელახალი არჩევნების ჩატარებას ითხოვენ.

სტუდენტები საკუთარი უნივერსიტეტებიდან მარშით დაიძრნენ.

მარშის დღის წესრიგი შემდეგია:

17:00 - ილიას უნივერსიტეტის სტუდენტები ვიკრიბებით ილია სახელმწიფო უნივერსიტეტთან

17:00 - თბილისის სახელმწიფო უნივერსიტეტის სტუდენტები ვიკრიბებით თბილისის სახელმწიფო უნივერსიტეტთან

18:00 - თავისუფალი უნივერსიტეტის, აგრარული უნივერსიტეტის, შავი ზღვის საერთაშორისო უნივერსიტეტის, კავკასიის უნივერსიტეტის, საქართველოს უნივერსიტეტის, ტექნიკური უნივერსიტეტის სტუდენტები ვიკრიბებით რუსთაველზე, შოთა რუსთაველის ძეგლთან

19:00 - მარშს ვუერთდებით GIPA-ს უნივერსიტეტის სტუდენტები ოპერისა და ბალეტის თეატრიდან

19:15- სტუდენტები წარვადგენთ ერთობლივ მანიფესტს

19:30- სტუდენტები ერთობლივად ვუერთდებით პარლამენტის წინ ორგანიზებულ აქციას.

ამასთან, რუსთაველის გამზირზე მსვლელობით ვაკის პარკიდან "კოალიცია ცვლილებისთვის", მარჯანიშვილის მოედნიდან კი "ძლიერი საქართველოს" წარმომადგენლები მიდიან.