თბილისში, ბახტრიონის ქუჩაზე ე.წ. შავფორმიანმა პოლიციელებმა მოქალაქე დააკავეს [VIDEO]

მოქალაქე მარიამ სილაგაძე Facebook-ზე ვიდეოს აქვეყნებს და წერს, რომ "ბახტრიონის ქუჩიდან ე.წ. შავ ფორმიანმა პოლიციელებმა მანქანაში ჩატენეს გიორგი კეკელიძე".

ფორმულა დაუკავშირდა მარიამ სილაგაძეს. მისი თქმით, საუბარი არ არის ეროვნული ბიბლიოთეკის ყოფილ დირექტორზე, მწერალ გიორგი კეკეკლიძეზე.

ის ამბობს, რომ მოქალაქე გიორგი კეკელიძე ადმინისტრაციული წესით დააკავეს და წინასწარი დაკავების იზოლატორში გადაიყვანეს.

"მოქალაქე გიორგი კეკელიძეა, რომელიც ერთხელ უკვე დაჭერილი იყო. მე და ჩემი მეგობარი გამოვდიოდით ბახტრიონზე, კორპუსიდან, ჩხუბის ხმა იყო და ეგრევე დავიწყე გადაღება. შავებში ჩაცმულმა პირებმა მანქანაში ჩატენეს. მერე პატრულიც მოვიდა, როგორც ვკითხეთ, ადმინისტრაციულით - გინების თუ დაუმორჩილებლობის გამო არის წაყვანილი, თუ არ ვცდები, დოლიძის წინასწარი დაკავების იზოლატორში", - თქვა მან.