თავისუფლების მოედნის მიმდებარე ტერიტორიაზე აქციის მონაწილეები დააკავეს

თავისუფლების მოედნის მიმდებარე ტერიტორიაზე, ლეონიძის ქუჩაზე, რუსული კანონის საწინააღმდეგო აქციის მონაწილეები დააკავეს.

არსებული ინფორმაციით, დაკავების ოპერაციაში სპეცდანიშნულების რაზმიც მონაწილეობდა.

დაკავებულების ვინაობა და რაოდენობა ამ დროისთვის უცნობია. ერთ-ერთი მოქალაქე, ლექსო სამხარაძე სოციალურ ქსელში წერს, რომ აქციის მონაწილეს ცოლთან ერთად სცემეს.

პოლიციამ რამდენიმე ადამიანი გუშინაც დააკავა. სამართალდამცავები აქციის მონაწილეებს ფიზიკურადაც უსწორდებოდნენ.