ტრამპმა განაცხადა, რომ პუტინთან შეხვედრის წარუმატებლობის შანსი 25%-ია

აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტ ვლადიმირ პუტინთან შეხვედრის წარუმატებლობის შანსი 25%-ია. მისი თქმით, შეხვედრის მთავარი მიზანია მეორე მოლაპარაკების საფუძვლის შექმნა უკრაინის პრეზიდენტ ვოლოდიმირ ზელენსკისთან, რათა დასრულდეს ხანგრძლივი ომი.

ტრამპის განმარტებით, მეორე შეხვედრაზე შესაძლოა მოხდეს ტერიტორიულ საკითხებზე „პირობითი დათმობა და მიღება“. პუტინთან ხვალინდელ მოლაპარაკებებს ის „საჭადრაკო თამაშს“ ადარებს.

ტრამპმა არ გამორიცხა რუსეთისთვის დამატებითი სანქციების დაწესება, თუ შეხვედრა შედეგს ვერ მოიტანს.