ტრამპმა TikTok-ის ბლოკირების ვადა გაახანგრძლივა — 75 დღე ახალი მოლაპარაკებებისთვის

აშშ-ის პრეზიდენტმა დონალდ ტრამპმა 75 დღით გადაუვადა ბლოკირება პოპულარულ ვიდეოპლატფორმა TikTok-ს, რათა ჩინურმა კომპანია ByteDance-მა შეძლოს აპლიკაციის ამერიკული აქტივების გაყიდვა. წინააღმდეგ შემთხვევაში, პლატფორმას აშშ-ში აკრძალვა ემუქრება.

"არ გვინდა, რომ TikTok უბრალოდ გაქრეს. ველით, რომ მივაღწევთ შეთანხმებას ჩინეთთან", — დაწერა ტრამპმა Truth Social-ზე.

TikTok-ს აშშ-ში 170 მილიონი მომხმარებელი ჰყავს. აპლიკაცია დროებით გაითიშა მას შემდეგ, რაც კონგრესმა მიიღო კანონი, რომელიც ByteDance-ს აიძულებს, უარი თქვას TikTok-ზე.

აშშ-ის ხელისუფლება პლატფორმას ეროვნული უსაფრთხოების რისკად მიიჩნევს. ტრამპის ადმინისტრაცია ამჟამად ცდილობს, მიაღწიოს გარიგებას, რომელიც აპლიკაციას ამერიკელ მფლობელებს გადასცემს.

მყიდველთა სიაში, მედიის ცნობით, მოხვდნენ Amazon, Microsoft, Blackstone, Andreessen Horowitz და Perplexity AI, ასევე Reddit-ის თანადამფუძნებელი ალექსის ოჰანიანი და მილიარდერი ფრენკ მაკკორტი.

ტრამპის თქმით, რამდენიმე ინვესტორთან მოლაპარაკებები აქტიურად მიმდინარეობს, თუმცა მათი ვინაობა ჯერჯერობით საჯაროდ არ დაუკონკრეტებია.