სუმიში რუსული დრონი საწარმოს მოხვდა, სადაც სააღდგომო პასკები მზადდებოდა, 1 ადამიანი დაიღუპა

სუმიში რუსული დრონი საკონდიტრო საწარმოს მოხვდა, სადაც სააღდგომო პასკებს აცხობდნენ. რუსული უპილოტო საფრენი აპარატით თავდასხმისას ერთი ადამიანი დაიღუპა.

ამის შესახებ ინფორმაცია სუმის საოლქო ადმინისტრაციის ხელმძღვანელმა, მიხაილ მელნიკიმ, უკრაინის საგანგებო სიტუაციების სახელმწიფო სამსახურმა და სუმის ოლქის პროკურატურამ გაავრცელა.

"დაახლოებით 5 საათზე მტერმა შაჰედის უპილოტო საფრენი აპარატით დაარტყა საკონდიტრო მაღაზიას სუმიში. დაზიანდა სააღდგომო პასკების წარმოება. მოკლეს პროდუქციის შესაძენად მოსული მეწარმე", - თქვა რაიონის გამგეობის უფროსმა.

პროკურატურის განცხადებით, "მტრის თავდასხმის შედეგად დაიღუპა 61 წლის მძღოლი, რომელიც პროდუქტებს ტვირთავდა, საწარმოს 55 წლის თანამშრომელი ქალი კი დაშავდა. დაზიანდა პურ-ფუნთუშეულის ქარხნის შენობა და სატრანსპორტო საშუალებები".