სტრასბურგის სასამართლოს თანახმად, რუსეთში აგენტების კანონი დაშინებასა და დასჯას ემსახურება

სტრასბურგის სასამართლოს გადაწყვეტილებით, რუსეთში ე.წ. უცხოური აგენტების კანონი დაშინებასა და დასჯას ემსახურება.

საქმეში ქობალია და სხვები რუსეთის წინააღმდეგ სასამართლომ დაადგინა, რომ ადგილი ჰქონდა გამოხატვის თავისუფლების, გაერთიანების თავისუფლებისა და პირადი და ოჯახური ცხოვრების პატივისცემის დარღვევას.

საქმე ეხებოდა რუსეთის საკანონმდებლო ბაზას, რომელიც ბევრი არასამთავრობო ორგანიზაციისგან, მედიაორგანიზაციისგან და ცალკეული პირისგან ე.წ. უცხოურ აგენტად რეგისტრაციას მოითხოვდა, რასაც მოჰყვებოდა შედეგები მათ საქმიანობასა და პირად ცხოვრებაზე.

სასამართლომ დაადგინა, რომ აღნიშნული კანონმდებლობა არის მასტიგმატიზირებელი, შეცდომაში შემყვანი, ფართოდ გამოყენებადი და არაპროგნოზირებადი. მისი მიზანი იყო დასჯა და დაშინება, და არა გამჭვირვალობასთან ან ეროვნულ უსაფრთხოებასთან დაკავშირებული ლეგიტიმური შეშფოთებების სავარაუდო საჭიროებების დაკმაყოფილება. 2012 წლიდან საკანონმდებლო ბაზა მნიშვნელოვნად შემზღუდველი გახდა და კონვენციის სტანდარტებიდან უფრო შორს წავიდა.