სპეცრაზმი მოქალაქეებს ძალისმიერი მეთოდით აკავებს - იყენებენ წყლის ჭავლსაც

პარლამენტის მიმდებარე ტერიტორიაზე, კერძოდ 9 აპრილის ქუჩაზე, ასევე საკანონმდებლო ორგანოს უკანა მხარესაც სპეცრაზმი აქციის მონაწილეების წინააღმდეგ წყლის ჭავლს იყენებს. პარალელურად, ადგილზე ცრემლმდენ გაზს უშვებენ.

პოლიციამ ადგილზე შეკრებილების ძალისმიერი მეთოდით დაკავებაც დაიწყო.

ადგილზე ვითარება დაძაბულია - საპოლიციო ძალები აქციის მონაწილეებს სიტყვიერ შეურაცხყოფასაც აყენებენ. ისინი მომიტინგეების მისამართით სხვადასხვა საგნებს ისვრიან, რის შემდეგაც მოქალაქეები ამ ნივთებს მათ საპასუხოდ უბრუნებენ.

პარლამენტის მთელს პერიმეტრზე საპოლიციო ძალებია განთავსებული.