სოფელ ნერგეეთში მეწყრის შედეგად დაღუპული მეხუთე ადამიანის ცხედარი იპოვეს
ბაღდათის მუნიციპალიტეტის სოფელ ნერგეეთში, სადაც ღამით მეწყერი ჩამოწვა, კიდევ ერთი ადამიანის ცხედარი იპოვეს.
ჩამოწოლილი მეწყრის შედეგად სულ დაიღუპა 5 ადამიანი.
ამ დროისთვის მაშველები 4 ადამიანს ეძებენ.
უხვი ნალექის გამო გვიან ღამით სოფელ ნერგეეთში მეწყერი ჩამოწვა და ოთხი სახლი მოიყოლა. მაშველებმა ერთი მოქალაქის ამოყვანა შეძლეს.
