შაიშმელაშვილს აღკვეთის ღონისძიების სახით პატიმრობა დაუსწრებლად შეეფარდა

გდდ-ის ყოფილ მაღალჩინოსანს, ირაკლი შაიშმელაშვილს აღკვეთის ღონისძიების სახით პატიმრობა დაუსწრებლად შეეფარდა.

გადაწყვეტილება მოსამართლემ რამდენიმე წუთის წინ მიიღო. 4 ოქტომბრის მოვლენებთან დაკავშირებით შაიშმელაშვილის წინააღმდეგ სისხლის სამართლებრივი დევნა 17 ოქტომბერს დაიწყო.

ირაკლი შაიშმელაშვილს ბრალდება დაუსწრებლად საქართველოს სისხლის სამართლის კოდექსის 317-ე მუხლით (საქვეყნოდ მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.