სააპელაციო სასამართლომ გააუქმა ტრამპისთვის თაღლითობის საქმეზე დაკისრებული 500-მილიონიანი ჯარიმა

ნიუ-იორკის სააპელაციო სასამართლომ გააუქმა ნახევარ მილიარდ დოლარამდე ჯარიმა, რომლის გადახდაც დონალდ ტრამპს სამოქალაქო თაღლითობის საქმეზე ჰქონდა დაკისრებული.

სასამართლომ დაადასტურა, რომ ტრამპი და მისი კომპანია ქონების ღირებულების გაზვიადებით თაღლითურად მოქმედებდნენ, თუმცა მოსამართლეების შეფასებით, $500-მილიონიანი ჯარიმა ზედმეტი და კონსტიტუციური დაცვის შესაძლო დარღვევაა.

გადაწყვეტილებით ძალაში რჩება ტრამპისთვის დაწესებული სხვა შეზღუდვები, მათ შორის სამ წლით ნიუ-იორკის კომპანიების ხელმძღვანელობისა და სესხის აღების აკრძალვა.

ტრამპმა ეს გადაწყვეტილება „სრული გამარჯვებად“ შეაფასა, მაშინ როცა გენერალური პროკურორის ოფისი აცხადებს, რომ სასამართლომ მისი პასუხისმგებლობა თაღლითობაზე მაინც დაადასტურა და ჯარიმის საკითხზე უმაღლეს სასამართლოში გაასაჩივრებს.