რუსულმა ძალებმა ზაპოროჟიეს ოლქი დაბომბეს - არის მსხვერპლი
ზაპოროჟიეს რეგიონული სამხედრო ადმინისტრაციის ხელმძღვანელის, იური მალაშკოს განცხადებით, დღეს დილით, რუსულმა ძალებმა ზაპოროჟიეს ოლქი დაბომბეს, რის შედეგადაც 4 ადამიანი დაიღუპა, 3 კი დაშავდა.
"პოლოგოვსკის რაიონში, ინფრასტრუქტურულ ობიექტზე გაფიცვის შედეგად რუსმა სამხედროებმა 29, 20, 33 და 43 წლის ოთხი თანამშრომელი მოკლეს, ორი დაჭრილი კი სამედიცინო დაწესებულებაში გადაიყვანეს", - ამბობს მალაშკო.
ამასთან, ზაპოროჟიეს რეგიონული სამხედრო ადმინისტრაციის ხელმძღვანელი ამბობს, რომ გასული დღის განმავლობაში რუსმა სამხედროებმა ზაპოროჟიეს რეგიონის 20 დასახლებულ პუნქტს 80 დარტყმა მიაყენეს.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
