რუსეთში, როსტოვის ოლქში ხანძარია - იწვის ნავთობის რეზერვუარები
რუსეთში, როსტოვის ოლქში ხანძარია - იწვის ნავთობპროდუქტების რეზერვუარები. ინფორმაციას რუსეთის საგანგებო სიტუაციების მართვის სამსახური ავრცელებს.
წინასწარი ცნობებით, ცეცხლი 5000 კუბურ მეტრ ფართობზეა გავრცელებული. ცეცხლის ქრობაში 73 მეხანძრე და 21 სპეციალური ტექნიკა მონაწილეობს.
რუსეთის სახელმწიფო უწყებები ხანძრის გამომწვევ ოფიციალურ მიზეზებზე არ საუბრობენ, თუმცა რეგიონის გუბერნატორი ამბობს, რომ ცეცხლი უკრაინული დრონებით თავდასხმის შედეგად გაჩნდა.
