როგორ ისაკუთრებენ ხალხის ქონებას

აბასთუმანში ბიძინა ივანიშვილთან დაკავშირებულმა კომპანიამ ადგილობრივების მიწის ნაკვეთი და მასზე არსებული შენობა-ნაგებობა დაირეგისტრირა. იმ ფაქტს, რომ ტერიტორიის დაკანონებას მეპატრონეები სასამართლოს გზით ცდილობენ, ხელი არ შეუშლია ქონების მართვის სააგენტოსთვის, რომ შპს „ვილა აბასთუმნისთვის“ 1200 კვ.მ. უპირობო აუქციონის გზით გადაეცა. წლობით გაჭიანურებული სასამართლო პროცესები მეპატრონეებს აფიქრებინებს, რომ მიწის ახალ მფლობელს გავლენიანი პირები მფარველობენ. კომპანიის მეწილეები „ქართულ ოცნებას“ ყოველწლიურად ათასობით ლარს სწირავენ.