პოლონეთმა საქართველოს სამართალდამცავი ორგანოების 8 წარმომადგენელს ქვეყანაში შესვლა აუკრძალა

პოლონეთის საელჩოს განცხადებით, საქართველოში ოპოზიციის მზარდი რეპრესიების საპასუხოდ, პოლონეთმა სამართალდამაცვი ორგანოების 8 წარმომადგენელს ქვეყანაში შესვლა აუკრძალა.

"საქართველოში ოპოზიციის მზარდი რეპრესიების საპასუხოდ, პოლონეთმა სამართალდამცავი ორგანოების 8 წარმომადგენელს, რომლებიც პასუხისმგებელნი არიან მომიტინგეების წინააღმდეგ ძალადობაზე, პოლონეთის ტერიტორიაზე შესვლა აუკრძალა.

პოლონეთი მხარს უჭერს ქართული საზოგადოების პროევროპულ მისწრაფებებს", - წერია საელჩოს განცხადებაში.

ჯერჯერობით უცნობია იმ ადამიანთა ვინაობა, რომლებსაც პოლონეთში შესვლა ეკრძალებათ.