პოლონეთი ინვესტორებს ბათუმში უძრავ ქონებაში ფრთხილად ინვესტირებისკენ მოუწოდებს
პოლონელი ინვესტორების მხრიდან გამოთქმული საჩივრების ზრდის ფონზე, რომლებიც ბათუმში ზოგიერთი რეზიდენტული დეველოპერის არასამართლიან საქმიანობას უკავშირდება, პოლონეთის საელჩო მოუწოდებს მოქალაქეებს, განსაკუთრებული სიფრთხილე გამოიჩინონ უძრავ ქონებაში ინვესტირებისას.
მათი განცხადებით, აუცილებელია ინვესტიციამდე დეველოპერის სანდოობისა და კომპეტენციის სრულყოფილი ანალიზი, ასევე მხედველობაში უნდა იქნეს მიღებული როგორც კომპანიის ისტორია, ისე საქართველოს პოლიტიკურ-ეკონომიკური მდგომარეობა და ბათუმის ინფრასტრუქტურის განვითარების დონე.
განცხადებაში აღნიშნულია, რომ მოტყუებული ინვესტორებისთვის მხარდაჭერის შესაძლებლობები შეზღუდულია და ამ ეტაპზე სამართლებრივი გზის არჩევა რჩება ერთადერთ გამოსავლად, რაც ხანგრძლივი პროცესია და წარმატებული შედეგის გარანტიას არ იძლევა.
განცხადების სრული თარგმანი:
"პოლონელი მოტყუებული ინვესტორების მიერ დაფიქსირებული დაწესებულებების მზარდი რაოდენობის გათვალისწინებით — რომელიც უკავშირდება ბათუმში ზოგიერთი რეზიდენტული დეველოპერის მიერ გამოყენებულ არასამართლიან პრაქტიკას — გირჩევთ, განსაკუთრებული სიფრთხილით მიუდგეთ უძრავ ქონებაში ინვესტიციასთან დაკავშირებულ ბიზნესგადაწყვეტილებებს. ყოველი ასეთი გადაწყვეტილება უნდა ეფუძნებოდეს კონკრეტული დეველოპერის კომპეტენციისა და სანდოობის სრულყოფილ ანალიზს, მათ მიერ განხორციელებული პროექტების ისტორიაზე დაყრდნობით. ასევე, საჭიროა გათვალისწინებულ იქნას საქართველოს მიმდინარე პოლიტიკურ-ეკონომიკური მდგომარეობისა და ბათუმის ინფრასტრუქტურის განვითარების დონე.
მოტყუებული დეველოპერების მიერ დაზარალებულთა მხარდასაჭერად არსებული შეზღუდული შესაძლებლობების გამო, ერთადერთი გამოსავალი სასამართლოში მიმართვა რჩება, რაც ხანგრძლივი პროცესია და არ იძლევა საბოლოო წარმატების გარანტიას."
