ოცნების მთავრობამ უკრაინის მოქალაქეებს საქართველოში უვიზოდ ყოფნის ვადა 1 წლამდე შეუმცირა

ქართული ოცნების მთავრობამ უკრაინის მოქალაქეებს საქართველოში უვიზოდ ყოფნის ვადა 1 წლამდე შეუმცირა. შესაბამისი დადგენილება 2 აპრილით თარიღდება.

"უკრაინის მოქალაქეებს აქვთ საქართველოში უვიზოდ შემოსვლისა და სრული 1 წლის ვადით ყოფნის უფლება. უკრაინის იმ მოქალაქეებს, რომლებიც 2025 წლის 24 თებერვლამდე შემოვიდნენ და იმყოფებოდნენ საქართველოში, ყოფნის უფლება გაუგრძელდეთ 2026 წლის 24 თებერვლამდე."- ნათქვამია ოცნების მთავრობის დადგენილებაში.

2024 წლის 23 აპრილის დადგენილების თანახმად, უკრაინის მოქალაქეებს საქართველოში უვიზოდ შემოსვლისა და სრული 3 წლის ვადით ყოფნის უფლება ჰქონდათ.