ოცნების მიერ რეგლამენტის დარღვევით მიტაცებული კანონი
გადალახა თუ არა რეალურად საპარლამენტო უმრავლესობამ პრეზიდენტის ვეტო საარჩევნო კოდექსთან დაკავშირებით? ხმის მიცემის პროცედურა სადავო გახდა. ოპოზიცია პროტესტს გამოთქვამს. ტაბლოზე 78 ხმა დაფიქსირდა, მაგრამ ზოგიერთი დეპუტატის მტკიცებით, დარბაზში უმრავლესობის მხოლოდ 73 წევრი იმყოფებოდა, რაც საკმარისი არ იყო. კენჭისყრის დეტალებზე წვდომას ითხოვს პრეზიდენტიც.
