ევროკავშირის საგარეო საქმეთა საბჭოს შეხვედრაზე დღეს საქართველოს საკითხს განიხილავენ

დღეს, 20 ოქტომბერს ლუქსემბურგში ევროკავშირის საგარეო საქმეთა საბჭოს შეხვედრაა დაგეგმილი, რომელზეც ერთ-ერთი განსახილველი საკითხი საქართველო იქნება.

ევროკავშირის ვებ-გვერდზე გამოქვეყნებული ინფორმაციის თანახმად, ევროკავშირის უმაღლესი წარმომადგენელი კაია კალასი საქართველოში არსებულ ვითარებაზე ისაუბრებს და მინისტრებს მიაწვდის ინფორმაციას უახლესი მოვლენების შესახებ, მათ შორის 4 ოქტომბერს ჩატარებულ არჩევნებზე და ქვეყანაში დემოკრატიულ უკუსვლაზე.

საბჭოზე განიხილავენ რუსეთის აგრესიას უკრაინის წინააღმდეგ, ასევე, ახლო აღმოსავლეთში არსებულ ვითარებას.

საბჭოს ევროკავშირის უმაღლესი წარმომადგენელი საგარეო და უსაფრთხოების საკითხებში კაია კალასი უხელმძღვანელებს.

შეხვედრა საქართველოს დროით 11:15 საათზე დაიწყება.