ნონიაშვილი: ჩემთან სახლში მიმდინარეობს ჩხრეკა-ამოღება, მიაქვთ ლეპტოპები

ფედერალისტების წევრი, გიორგი ნონიაშვილი ამბობს, რომ მის სახლში ჩხრეკა მიმდინარეობს.

როგორც ნონიაშვილი Facebook-ზე წერს, სახლიდან კომპიტერული ტექნიკა მიაქვთ.

"ჩემთან სახლში მიმდინარეობს ჩხრეკა-ამოღება. მიაქვთ ოჯახიდან ყველა დივაისი. ბავშვის ლეპტოპიც. ჩემიც. საფუძველი - Atlantic Council-თან დაკავშირებით რაღაც გამოძიება მიმდინარეობს, რომლის თანამშრომელიც სოფო [გელავა]", - აღნიშნავს ნონიაშვილი.