მაკრონი კონკურენტ პარტიებს ულტრამემარჯვენეების წინააღმდეგ გაერთიანებისკენ მოუწოდებს
პრეზიდენტმა ემანუელ მაკრონმა პოლიტიკური ცენტრის ორივე მხარეს მყოფ კონკურენტ პარტიებს გაერთიანებისკენ მოუწოდა, რათა ულტრამემარჯვენე ეროვნული გაერთიანების (National Rally) წინააღმდეგ დემოკრატიული ალიანსი შექმნან.
მაკრონმა ამის შესახებ პრესკონფერენციაზე ისაუბრა მას შემდეგ, რაც საფრანგეთის პარლამენტი დაშალა და ვადამდელი არჩევნები დანიშნა. მან აღიარა, რომ ხალხი გამოხატავდა თავის უკმაყოფილებას, მაგრამ გრძნობდა, რომ მათ არ უსმენდნენ.
"არ მსურს 2027 წელს ულტრამემარჯვენეებს ძალაუფლების გასაღები გადავცე", - თქვა მაკრონმა და დაამატა, რომ RN (ეროვნული გაერთიანების) პოლიტიკა მშრომელებისა და პენსიონერების გაღარიბებას გამოიწვევს.
მაკრონმა არჩევნებს შოკირებული უწოდა მას შემდეგ, რაც მარი ლე პენის რადიკალურად განწყობილმა პარტია ეროვნულმა გაერთიანებამ ევროპარლამენტის არჩევნებში მისი პარტია, აღორძინება დაამარცხა.
იმ შემთხვევაშიც კი, თუ RN არჩევნების ორივე ტურის შედეგად ხმების უმრავლესობას მოიპოვებს, მაკრონი პრეზიდენტი მომავალი სამი წლის განმავლობაში დარჩება და კვლავ იქნება თავდაცვასა და საგარეო პოლიტიკაზე პასუხისმგებელი. თუმცაღა ის დაკარგავს კონტროლს შიდა პოლიტიკურ დღის წესრიგზე, მათ შორის ეკონომიკურ პოლიტიკაზე, უსაფრთხოებაზე, იმიგრაციასა და ფინანსებზე.
პრესკონფერენციაზე მაკრონმა თქვა, რომ არ წავა, თუ მისი ბანაკი წააგებს და ლე პენის წინააღმდეგ დებატებზე არ გამოვა.
ამის ნაცვლად მან მოუწოდა "ბევრ ჩვენს თანამოქალაქესა და პოლიტიკურ ლიდერს, რომლებიც არ აიგივებენ თავს ექსტრემისტულ ციებ-ცხელებასთან", "შექმნან ახალი პროექტი... კოალიცია, რომელიც ფრანგებისა და საფრანგეთის კეთილდღეობისთვის იმუშავებს".
მან პირობა დადო, რომ უფრო მკაცრად მიუდგება იმიგრაციის, უსაფრთხოებისა და სამართლიანობის საკითხებს. საფრანგეთის პრეზიდენტმა ასევე გააკრიტიკა რესპუბლიკური პარტიის ლიდერი ერიც სიიოტი, რომელმაც RN-სა და მისი პარტიის კანდიდატებს შორის პოლიტიკური ალიანის შექმნისკენ მოუწოდა. მაკრონის თქმით, სიიოტიმ "ეშმაკთან დადო გარიგება".
