ხაზარაძე: არჩევნების მოპარვა მომავლის წართმევაა - გაიღვიძე საქართველო, გამოდი!

გაიღვიძე საქართველო. გამოდი! გამოდი, და არ დაუთმო რუს ოკუპანტს, რომლის წინააღმდეგაც [გმირებმა] თავი დადეს, აქედან იწყება ყველაფერი... მინდა ფიცივით გითხრათ, მე ერთი რიგითი ქართველი, ამ ბრძოლას არ გამოვეთიშები, უკან არ დავიხევ, სანამ საქართველო არ მიიღებს რაც მას ეკუთვნის, სრული თავისუფლება, დემოკრატია და ევროპისკენ გზა. ეს არის ჩვენი ბრძოლა და არჩევანი და მას ბოლომდე მივიყვანთ... ჩვენ ვხედავთ, რომ თითოეულ ჩვენ პროტესტს მხარს უჭერს მთელი ცივილური სამყარო, ჩვენ ვხედავთ ამ მხარდაჭერას, მაგრამ ბრძოლა ჩვენი მოსაგებია, მშვიდობიანად, ახალი არჩევნების მოთხოვნით, ამ პარლამენტს არ ექნება ლეგიტიმაცია... არჩევნების მოპარვა არის მომავლის წართმევა. ეს არ არის ჩვეულებრივი ქურდობა, ესენი არიან ხმის ქურდები, ესენი არიან მომავლის ქურდები.