ქართული ოცნების შეცვლილი მესიჯბოქსი

ქართული ოცნების რიტორიკა რაჭაში სტიქიას გადარჩენილთა შესახებ ერთ დღეში რადიკალურად შეტრიალდა. მას შემდეგ, რაც ხელისუფლებას პროპაგანდისტული გზავნილი, მოქალაქეთა გაშავების კამპანია ჩაუვარდა და ირაკლი კობახიძე იძულებული გახდა საკუთარი სიტყვები უკან წაეღო, მთელი სახელისუფლებო მანქანაც ანალოგიურად მოიქცა და ერთი დღის წინ გაკეთებული საკუთარი განცხადებები შეცვალა. ქართული ოცნების თავმჯდომარის ეგრეთ წოდებული მონანიების ტექსტის ფორმის გარდა, შინაარსიც არაერთ შეკითხვას ტოვებს.